Soler打到出血拆夥闖影壇

Julio及Dino早前赴台拍攝電影《痞子英雄之全面開戰》，戲中扮演奸角的他們，笑言開鏡前接受特訓，主要是學曉如何被「撻生魚」！Julio笑謂：「畀人打都要學識就位o架，今次我哋主要係畀主角趙又廷打。能夠參與動作場面，我覺得自己幾man，應該可以攞分嘅。」

談到拍攝時不留神將額頭撞向攝影機，隨即血流披面，他回想起來依然談笑自若：「佢哋用膠布幫我止血，跟住又嚟過，收工先去醫院縫針。」見到哥哥如此「身世」，Dino被嚇得目瞪口呆：「跟住到我埋位，幾想辭演呀。」

11月做爸爸

Dino方面亦試過被吊上半空，豈料其中一次試位，下墮時失平衡發生小意外，Dino差點便凌空撻到地面，可謂死過翻生：「吊高前趙又廷喺旁邊問我得唔得，話都未講完已經被升上半空嘞。」身懷六甲的愛妻11月臨盆在即，Dino不諱言最近工作多元化，BB腳頭不錯，問到是否已對囝囝想好名字時，他笑說：「其實唔係我改，係太太話發夢見到BB，係佢自己話要叫乜名嘅，所以我哋順佢意，不過要等佢出咗世先話畀大家聽。」

多元化發展

Dino坦承近兩年思想比前改變，刻下是個住家男人，幸福度滿瀉，問到Julio有否心急人生大事時，他竟搞笑謂：「我等住做大伯啫，一係依家落街搵個幫我生囉……講真近排發現有好多小朋友鍾意同我玩。」

兩子異口同聲表示有意於影圈「拆夥」，各自闖出合適戲路，Julio更會抽時間從事其設計事業，而Dino則開班教彈結他。

場地：The Central Wine Club

服裝：Levi's

眼鏡：Jeremy Tarian

文﹕影視組