馮曦妤愛情潔癖要專一

今次《娛樂 onShow》邀請了創作歌手馮曦妤（Fiona）擔任嘉賓，節目主持人俞詠文（Angela）更大玩新意思，特意到Fiona的錄音室「到此一遊」，順道直擊一位歌手錄音的過程！Fiona自爆她錄音時的小習慣，就是開暗燈：「可能我唔想畀人好清楚咁見到我，有番啲神秘感，同埋可以放鬆自己！」

時刻記起愛人

其後Angela更膽粗粗化身成為Fiona的錄音師，為她錄下由Fiona一手包辦曲詞的新歌《每天醒來第一件會做的事》，當Angela問她此歌是否她的心聲，Fiona說：「如果我鍾意一個人，佢就會無時無刻都會喺我心裏！雖然有人同我講過：『食飯、做嘢太忙唔會記得你。』我會覺得難以置信！」不過Fiona就直言絕不黐身：「不過我份人又好灑脫，就算一兩個星期唔見面都得！」

易被男友感動

回想起以往的戀愛經歷，Fiona發現自己也是個易受感動的人：「例如佢同朋友去旅行，但如果佢成日都好掛住我，仲會不斷發短訊、打電話畀我，我已經覺得佢好愛我！」Fiona亦擁有「愛情潔癖」，極崇尚愛情專一：「例如佢未忘記前女友，又或者畀我發覺佢同其他女仔有曖昧，我都完全接受唔到！」