龍小菌自己嚇自己

蒙面歌手龍小菌昨與譚晴、Ice Baby出席商場活動，早前龍小菌表示為免嚇親市民，於農曆七月十四收埋自己不出街，但昨日是盂蘭節，她繼續包到冚出席活動，還扮大牌遲到半小時，知衰的她即道歉說：「唔好意思。（又話鬼節唔出嚟？）係諗住唔出。」隨即自爆落車行去會場時嚇親一名小朋友，她說：「我即刻同佢講我係唱歌嘅，尋晚我自己一個喺屋企都驚。（你唔係同經理人邵子風同居咩？）唔係，我仲係單身，冇秘婚同結過婚。」