倪晨曦：Mr.Right唔要靚
近期掀起圈中小生分手潮，其中黃宗澤與胡杏兒分手更哄動全城，同時令曾跟這位靚仔小生傳緋聞的華裔小姐倪晨曦（Elva）舊事重提，不過Elva卻懶理這些傳言，只覺得兩人分手非常可惜，她說︰「我覺得好可惜，覺得佢哋幾襯。」而她與楊受成兒子Alex出海玩樂傳緋聞亦成為熱話，但都是這句，她強調現正單身，直言傳聞不可以盡信。
唔抗拒圈中人
對於與圈中人扯上關係必被傳媒圍攻，也許是一件非常困擾的事，但Elva未有因此而抗拒與圈中人來往，她笑說︰「哈哈，我冇諗過係圈中定圈外，因為最緊要睇吓對方好唔好，依家梗係冇睇中邊個啦，我唔會理對方係咩身份，亦唔一定要靚仔，孝順有上進心先係最重要。」
歡迎任何年齡
至於年紀方面，Elva直言歡迎任何的年齡層，現年25歲的她更訂下30歲前結婚生仔的目標，她說︰「其實冇年紀限制，呢個唔係好重要因素，但依家做嘢先，以事業為重，希望30歲可以結婚生仔啦。」
Elva樣子甜美，當然不乏裙下之臣，談到她的戀愛經驗，她直言未入行前有一個拍拖幾年的男友，可惜入行後要分隔兩地，令這段感情無奈地結束，她說︰「之前係有拍拖，都拍咗幾年，分隔異地比較難維繫，所以入行後大家就分開。」