蕭家浩想有兄弟齊開工

前港男蕭家浩（Edmond）早前與「巨聲幫」孖仔周志文及周志康拍攝節目，他說：「我自己初入行時係做模特兒，後來參加香港先生選舉，再加入TVB拍劇，近排就出歌嘗試做歌手，而佢哋就係參加《超級巨聲》，由唱歌變成拍劇為主，我都有問佢哋習唔習慣，佢哋都好認同『唱歌係享受，拍劇係挑戰』，仲話唔同類型嘅角色可以畀佢吸收唔同工作經驗，可以幫助日後唱歌。拍攝當日有工作人員話我哋好似三兄弟，其實我都好羨慕可以有個阿哥或者細佬同自己一齊開工，可以互相提點，幫手check對方髮型同化妝，又可以有傾有講，感覺有默契又窩心。」