Dominic公然示愛松岡回味接吻
不少圈中男女合作均與緋聞扯上關係，於新片中演情侶的周秀娜師弟何浩文（Dominic）與日模松岡李那（Linah）就冇有怕，女的回味拍攝時的搞笑咀戲，男的更直言與Linah拍咀戲時過電，不過事前已向女友糖妹備案，揚言不怕女友「扭耳仔」！
誰說偶像電影中男女談情說愛橋段一定要有激情肉搏畫面去觸動觀眾的眼球，日模松岡李那與周秀娜師弟何浩文卻偏偏於新片《喜愛夜蒲2》中，演繹純真愛情，這對「港日戀人」懶理被其他演員的「動作戲」搶鏡，Dominic說︰「我哋唔會介意，大家嘅路線唔同，我哋係pure love嚟，如果一套戲只得動作場面，睇得太多都會攰啦，所以要睇番一啲文藝嘅嘢。」身旁的Linah亦表贊同︰「我覺得唔需要有床上戲，DJ跟警察的愛情故事好特別，我也很喜歡。」
一邊錫一邊笑
話雖未有床上戲，但接吻鏡頭當然唔少得，不過兩人性格無厘正經，拍攝該幕亦笑料百出，Dominic說︰「佢邊錫邊笑，但我都唔知佢笑乜，搞到拍咗幾次，雖然冇乜感覺，但佢都幾好咀。」而Linah亦似是非常回味，她笑說︰「呢場戲都幾浪漫，我都好滿意效果。」
鍾情爽朗女生
單看兩人的外表確實非常合襯，訪問時亦玩唔停，雖然Dominic已名草有主，但他仍不避嫌大讚Linah好女仔，直言不怕傳出緋聞，他說︰「我鍾意開朗嘅女仔，佢成日都咁開心，符合我嘅條件，而且有人話日本多靚女，我就話大部分嚟咗香港，佢就係其中一個。」話雖如此，但他不忘向女友糖妹派定心丸︰「不過只限戲內過電，而且拍咀戲前都有同女友備案，唔怕佢會誤會！」
文︰專案組
攝︰沈健程
場地︰大力棒棒麻辣雞煲