陳家樂揀女友要似林欣彤

英皇藝人陳家樂和歌手林欣彤於電影《DIVA華麗之後》飾演小情侶。陳家樂笑言拍攝前不熟悉林欣彤，他說：「開拍前知同佢有對手戲，有幾次一齊出去工作，大家坐埋同一架車都冇乜溝通。點知到真正開拍時先知驚，第一個鏡頭就係拍拖手戲，搞到大家好尷尬。」家樂笑言拍攝時重拾初戀感覺，更大讚林欣彤性格率直：「佢份人爽，根本唔需要估佢諗緊乜，因為佢有乜都會講出嚟。如果現實中拍拖女友最好都係咁，我好怕猜度對方諗緊乜。」
家樂與林欣彤飾演情侶，重拾初戀感覺。
家樂與林欣彤飾演情侶，重拾初戀感覺。

此外，家樂亦大讚影后惠英紅演技出色，很感激對方教他做戲。他謂：「佢一啲都唔惡，教我鏡頭前後點走位，仲教我點入戲，好榮幸有機會同佢合作。」

惠英紅沒有架子，樂於向後輩分享拍攝心得。
  • 惠英紅沒有架子，樂於向後輩分享拍攝心得。