陳靜呻多緋聞難搵男友
杜汶澤、彭浩翔、陳靜（DaDa）前晚為電影《低俗喜劇》衝破2500萬舉行慶功宴，同時為邵音音預祝生日，阿澤於活動期間宣布將拉大隊，與台前幕後的工作人員到東京旅行，「今次由我、老闆、導演夾份請去旅行，低俗到日本，實行『迷失東京』。」
而DaDa近日被指與空心闊少拍拖，她前晚作出否認：「唔係拍拖，依家無人埋身，仲係單身，（發展機會？）無諗得咁深入，我都有同佢講唔好意思。」屢傳緋聞的DaDa伺機大呻難覓男友：「只要唔影響工作，我都想搵男友，但個個都驚咗我，希望緣分快啲到。」
而音音姐亦關心好友劉家輝近況，不相信子女爭家產之說，「佢個仔對佢好好，但寫到咁凄涼，如果真係家輝自己講嘅呢，我覺得佢就係『回光反照』。」