朱晨麗拋胸露Bra三甲當典範
應屆港姐在風雨聲中誕生，冠軍張名雅慘成為磨心，得獎後先被網民大起底，再被nowTV舉行「一人一票選港姐」挑戰其認受性，連昨日出席頒獎禮亦受到朱晨麗低胸露Bra邊夾擊，不過三甲的張名雅、黃心穎、朱千雪依然當她是典範。
應屆香港小姐三甲張名雅、黃心穎、朱千雪和最上鏡小姐岑杏賢，昨日聯同上屆香港小姐冠軍朱晨麗出席六福珠寶頒獎禮。朱晨麗以超低胸性感短裙到場，豐滿上圍盡現人前，外露黑色喱士Bra邊，搶盡各佳麗風頭！朱晨麗說：「我尊重今日嘅場合，港姐咁靚，我梗係唔會輸蝕，但有做足安全措施。」張名雅大方盛讚她有氣質。而黃心穎則笑言希望一年後，亦有朱晨麗的風範，朱千雪則說：「佢每次出席場合都悉心打扮。」
表弟被嘲唔敢返學
至於nowTV舉行「一人一留言，選出真港姐」，將透過社交網站和遙控器的紅色鍵代表張名雅、綠色代表黃心穎和黃色代表朱千雪去投出心水港姐，結果將於今日（31日）公布。
問到張名雅對此事的看法時，她說：「有少少唔開心，決賽只係有少少mistake做唔到一人一票，大家忽略咗我哋嘅表現。（擔心做唔番冠軍？）咩都有可能發生，呢度選可能會唔係我，但決賽已經係事實，觀眾唔需要focus呢度，我亦唔想再提，搞到我都唔開心，每年港姐都有人認同與唔認同。」對於不停被人爆料，張名雅說：「自己好介意，我表弟畀人笑『厚唇男』，搞到唔敢返學！」
信無綫挑戰踩鋼線
而昨晚張名雅、黃心穎、朱千雪齊齊現身慧妍節目錄影時，談及被委派在《星光熠熠耀保良》踩鋼線表演時，朱千雪賣口乖指信任無綫：「公司咁錫我哋，就算踩都唔會有問題。」張名雅亦不認為公司有心補鑊：「我都想挑戰自己！」黃心穎則擦鞋指加碼送兩部名車是好事：「多個勝出者嘛！」
文：影視組