羅仲謙瞓住賀 楊怡牛一

羅仲謙與楊怡事業如日方中，兩位大忙人就算拍拖後的生日都在工作中各自度過。昨日謙仔出席公開活動時，記者問他知否昨日（30日）是甚麼日子？他極速回答：「楊怡生日。」記者表示只是想提醒他昨日是農曆七月十四鬼節，謙仔登時一臉尷尬！

允請壽星女食飯

問到如何為楊怡慶祝？謙仔說：「冇，請佢食餐飯囉，都有短訊同佢講生日快樂，但大家開緊工都要夾吓時間先。（燭光晚餐？）唔係，我鍾意熱鬧，但最終由壽星女話事。（親自下廚？）好主意，但我好少（下廚）。」至於會送上甚麼禮物？他說：「唔使。（佢想收戒指。）睇新聞佢唔係咁講喎。（會送乜？）行街睇到適合嘅唔使等生日，禮貌上買份禮物都係好事。」

放大圖片	謙仔三日瞓得五小時，昨日仍趕住出席活動。

神秘出街個半鐘

本周二（28日）是謙仔的28歲生日，他透露拍攝《衝上雲霄2》度過，他說：「呢三日瞓得五小時，生日喺機場拍外景同大班同事過。（補祝？）有假期都瞓覺啦，我唔鍾意人哋同我慶祝。（楊怡唔係咁諗呢。）如果佢請我食飯我食o架！」完成活動後謙仔果真回家，未幾他又再坐車出動，但個半小時後徒步返家，相信大覺瞓休息。

陳法拉與吳卓羲、吳鎮宇昨日凌晨在機場拍劇。

放大圖片

而昨日凌晨謙仔與陳法拉、吳鎮宇、吳卓羲（Ron）等在機場為《衝2》開工，生日沒有慶祝，但收到楊怡祝賀生日快樂，他說：「雖然未收到佢送嘅禮物，但會問佢攞番。（birthday kiss？）唔會啦！」另外，有指Ron在劇中未能集中令吳鎮宇扯火，昨日所見Ron似乎有點心不在焉。

文：影視組