周家蔚宣布佗慈姑椗
洪天明太太周家蔚（Janet）早前正式宣布有喜，日前她便與好友梁靖琪（Toby）逛商場買BB衫，見她掃貨之餘亦不斷狂擦。昨日家蔚在宣傳活動上更親口承認將生龍仔，惟她自己喜歡囡囡，故已跟老公約好，明年底努力追女。
周家蔚昨日肚凸凸出席宣傳活動，親口公布將生龍仔，懷孕四個多月的她，貪靚着一吋半高的高踭鞋現身，並表示已為囝囝取英文名為TJ：「T即係天明，J係我個英文名Janet，兩個字頭加埋咪係我哋個囝囝名，中文名就由老爺改，（知係仔？）照咗超聲波，見BB張開腳睇得好清楚係仔，其實我鍾意女，所以我出年初生完，年尾再試追女，我想順產，依家學緊瑜伽，仲Book埋床位。」
主攻藍色貨品
為迎接新生命，家蔚日前已急不及待相約好友Toby四出為BB仔買衫。
甫到商場，家蔚即專攻BB用品店，並主攻藍色貨品。而身旁的Toby雖有提供意見，但她卻擔心家蔚大肚婆食唔飽，故二人睇完衫便去醫肚，二人去買麵包，家蔚邊行邊食，隔半小時又走到咖啡店繼續「覓食」，難怪她肥了不少。
文：影視組