林憶蓮寧出橋 拒執導MV
林憶蓮為拍新曲《無言歌》MV，穿上火辣辣露肩紅裙，在台灣名導比爾賈操刀下，於鏡頭前靠肢體演繹出纏繞的感覺。憶蓮笑言導演有如動作指導，大讚對方︰「佢係我歷來合作過最厲害的MV導演之一，佢好清楚知道自己要乜，舉手投足全由佢指示，一邊拍一邊大聲話我知點做，一秒都唔嘥，大家合作好爽脆。」
今次大碟由憶蓮的創作、意念為主，她可有想過自己執導？她耍手擰頭說：「拍MV要由專業嘅藝術工作者來幫忙，睇過比爾賈執導，嗰啲前後期工作多得不得了，難度好高，我專心做音樂就好了，最多拍攝時出吓主意，其他就唔好勞動自己啦。」