梁嘉琪 黃翠如 老死孖住拍劇

無綫女藝員梁嘉琪最近忙於拍攝新劇《心路GPS》，與相識多年的摯友黃翠如合作，提到對方由有線過檔便擔任女主角，嘉琪坦言戥她開心，絕不會心生妒忌：「翠如之前做過好多嘢，亦做過女主角，今次佢壓力好大，我更加要撐佢！」兩人在劇中飾演好友，不時分享工作及愛情事，猶如真實生活一樣，嘉琪笑說：「我都覺得根本係做番自己，我哋呢排去到邊都一齊，同劇嘅陳展鵬都好驚訝，唔信我哋Friend成咁。」
梁嘉琪（左）與黃翠如原來已相識多年，梁嘉琪為好友過檔做女主角感開心。
梁嘉琪（左）與黃翠如原來已相識多年，梁嘉琪為好友過檔做女主角感開心。

對於早前的演員大合照，嘉琪升呢被安排企第二行，謙虛的她表示一次企位並不代表甚麼，會繼續默默耕耘，以免愈自我陶醉跌得愈傷。

梁嘉琪（左）與黃翠如飾演好友，猶如將真實生活搬到劇中。
  • 梁嘉琪（左）與黃翠如飾演好友，猶如將真實生活搬到劇中。