閻奕格惡樣 被封「閻羅王」
歌手閻奕格（Janice）因參加台灣歌唱比賽的踢館賽而一鳴驚人，更有「閻羅王」之稱！不過Janice卻自爆自己是個又緊張、又怕醜的女孩子，故跟閻羅王的惡形象大有不同，更表示一聽見「閻羅王」這名字就感到驚驚！
台灣超級星光大道踢館女王閻奕格（Janice）雖然只得22歲，但因唱功了得，因而成為矚目新星，即使她從未推出派台歌，已經在港舉辦了演唱會，除門票被火速售罄，而樂壇歌神陳奕迅也有特意捧場，來頭相當厲害！Janice表示小時候的她已經是隻「開籠雀」，她說：「我媽咪同我講我三、四歲就開始唱歌，譬如以前搭緊巴士都會狂喺度唱，唱到隔籬啲人覺得我好煩，如果我冇出聲就代表我瞓着咗！」
壓力大唔識放鬆
Janice因參加歌唱比賽節目，表現驚人而為人熟悉，更被主持人改了「閻羅王」的稱號，不過Janice對於這綽號似乎不太喜歡：「我好驚人哋咁嗌我，因為我份人唔笑就會好似好惡，但其實我係個好怕醜嘅人，如果自己有『閻羅王』呢個名就會令人覺得我更難以親近！」
雖然Janice似乎對唱歌駕輕就熟、輕鬆不已，不過她表示每次表演都必定緊張非常，更揚言對自我要求相當高，她說：「我係一個唔識放鬆嘅人，而當大家對我期望好高，我嘅壓力好大！（最滿意嘅表演？）冇一個表演係完美，每一次聽番自己上台唱歌都好驚，因為次次都覺得唔滿意！」
髮型：Louis Tse＠P.O.P Hairdressing
化妝：Jan Chan＠Annie G.Chan
文、攝：文珊