余翠芝設計領飾贈洪杰
歌手余翠芝（Chita）首任設計師推出領飾，日前和大肚周家蔚、梁靖琪（Toby）齊在記者會上，親身演繹設計作品，不過因家蔚、Toby穿上性感內衣上陣，故Chita風頭被搶，問她可介意？Chita說：「冇所謂，咁家蔚有咗BB，而且佢哋又着得性感，如果我係設計內衣，我都會着得咁性感o架。」
Chita暫時只推出4款領飾，之後新系列陸續有來，她賣花讚花香指領飾除款靚外，又具保暖作用，她謂：「我哋做歌手唔可以着得太密實，但又怕出入冷氣地方會冷親喉嚨影響唱歌，一條細細嘅領飾喺呢個時候就會大派用場。」問她可有送贈歌手朋友？她謂當晚就送了一條領飾給捧她場的洪杰。