傅珮嘉重返樂壇：依家最幸福

傅珮嘉（Maggie）與樂隊Holic Jam將於下周舉行迷你音樂會，相隔一段時間再重返娛樂圈的Maggie，率先預告已計劃出碟及舉行大型的音樂會，但就未有打算簽約唱片公司：「簽咗就要跟樂壇嘅模式，唔簽就自由啲，唔使交代，而且依家唔係為攞獎，只希望大家鍾意聽我嘅歌。」Maggie並重提當年於圈中有不少是非及負面新聞，問到她可會後悔當年於應對上做得不夠好？她坦言：「唔會話後悔，因為有呢一段，先有依家嘅我，冇呢件事亦唔會認識到我老公，至少我依家知道有咩問題！」

學識同記者相處

Maggie坦言當年不懂應對傳媒，又毫無社會經驗：「當時以為講嘢直就係真，但原來香港樂壇唔可以，到發生問題嘅時候，我唔識面對就逃避，做咗好多錯誤嘅決定，依家就真係大個女，成長咗，唔會再驚同記者相處。」她並言做歌手最重要的是懂得應對。變得樂觀的Maggie表示老公及其兒子對她影響最大：「大家知我性格悲觀，情緒起伏大，而老公就好正面！」婚姻美滿及育有一子的Maggie擁有一個幸福家庭，她直言活了半世最開心就是現階段。

文：音樂組　Hair：Jay @ Hair