黃建東跟影帝上堂練膽
「前港男」黃建東（Derek）雖然加入了無綫娛樂新聞台做主播，但醉心唱歌演戲的他，未有偷懶，一直有上堂增值自己。
黃建東透露：「我好鍾意演話劇，閒時會參與工作坊，想學多啲演出技巧，我上過奧斯卡影帝奇雲史柏西（Kevin Spacey）工作坊，有機會被佢一對一指導，我仲膽粗粗揀咗段《李察三世》嘅獨白演畀佢睇，Kevin好好人，睇完我演繹有讚我，又畀好多意見我，對我演戲有好大幫助，至少佢鼓勵到我勇敢企喺台上，仲敢於喺偶像面前提出合照要求添，其實佢當日行程好趕，但難得可以見到偶像，點都要偷雞影番張合照！」