周麗淇情迷三哥等咀Bosco

周麗淇(Niki)演女警上癮，新劇再次「冧莊」做女警，與黃宗澤（Bosco）及苗僑偉（三哥）大玩三角戀，Niki現實從未嘗過「兩王一后」滋味，無懼要與「情傷」中的Bosco激咀鬧緋聞。

Niki簽約新公司後，八月底再為無綫開拍新劇，一年內更兩度演女警角色，Niki謂：「今次唔同，升咗職係演高級督察。」Niki表示這次對她是大挑戰，首次拍30集劇更在夏天拍攝，不論體力和演技都是挑戰，雖然演女警已有經驗，但今次都做足準備，事前特別向一個現役女督察取經，學習她的神髓。Niki笑謂：「原本仲諗住趁機可以變吓剪短頭髮，點知導演話唔係要男仔頭嘅女警，仲下令我要將頭髮有咁長留咁長添，要有女人味。」

唔怕傳緋聞

至於新劇將拍足三個月，Niki笑言：「唔使再Dry，因既有成熟穩重嘅三哥，又有『少女殺手』嘅黃宗澤。（Bosco啱啱甩拖？）接嗰時未發生呢件事！（Bosco經常同對手有激咀戲，依家敏感關頭會唔會避免？）呢個唔係一個好演員去做嘅事，總之劇情需要去到咪做囉，最緊要係自己有冇能力演好角色向監製交代，炒作新聞嘅嘢唔諗得咁多。」