葉慧婷勤做運動修身
樂壇新人葉慧婷（YT）早前忙於宣傳新碟後，近日積極錄音製作快歌，她為了配合新歌跳舞MV，勤做運動兼跳舞，她說：「之前奧運選手比賽咁精彩，我幾乎晚晚都追，呢排運動熱潮咁勁，自己都唔可以懶，（跳舞對你嚟講有冇難度？）都唔會，我不嬲都好鍾意做運動，跳舞都OK，可以健康地修身！」
原來YT最近更獲運動服裝品牌及健康飲品贊助，慳番唔少，她直言做運動能令身材更加苗條，因此經常游水、跑步和練瑜伽，問到是否穿三點式？她笑說：「我好保守o架，自問身材唔夠勁。（目標減幾多磅？）想減15磅就最理想喇，同埋自己鍾意食甜品，真係要戒口。」
服裝：VIVA INC