何思諺鬧爆醫生勸墮胎
年僅21歲的何思諺（Leanne）由陽光妹變成陽光媽，在短短一年間完成結婚生仔兩件人生大事，為記錄與鼓佬老公杜志烜（Tom）的戀愛逸事，以及懷胎十月的辛苦歷程，Leanne邀得好友攝影師Dan為她操刀，拍下相集，記錄過去一年的點點滴滴。
相集下月推出
對於過去一年發生的人與事，Leanne坦言懷孕初期，醫生建議她終止懷孕，她說：「記得嗰陣有咗冇耐，Tom陪我去睇醫生，當時我自己一個入房，醫生就同我講我仲咁細個，體質唔好加上又太瘦，好容易會對BB同媽媽有危險，流產風險仲好高。」雖然醫生極力勸她終止懷孕，但Leanne完全接受不到這個建議，還哭着反駁醫生，堅持要把小生命帶來這個世界，她說：「我當時喊得好犀利，就忍唔住鬧個醫生，因為始終係小生命，我點可以咁唔負責任終止懷孕？無論點我都要生BB落嚟，一切後果我會承擔。走出醫生房後，Tom都好支持我嘅決定。」
Leanne表示相集將於下月推出，她說：「依家BB六個月大，希望佢大個睇到呢本相集，知道爹哋媽咪有幾錫佢。」
唔見結婚戒指
此外，Leanne昨日在微博表示結婚戒指不見了，後來尋回即高呼：「害到很多劇組人員擔心，我差點哭了，我拍劇時會小心。」
文：專案組