Mia海灘起樹屋峰光明媚

每個人都希望擁有自己的dream house，儲錢買豪宅過業主癮，熱愛陽光與海灘的模媽陳靜儀（Mia）則要返璞歸真，於海灘建樹屋，笑言可隨時隨地跳落海中暢泳兼享受日光浴！

不少圈中人搏命搵錢買豪宅，不過模媽Mia剛相反，熱愛大自然的她希望於海灘上建樹屋，親親大自然，為忙碌的生活減壓。她說︰「我一直以嚟想要一間好靚嘅樹屋！因為香港人工作壓力大，我都係一樣，所以想呼吸新鮮空氣、聽海浪聲relax吓，而且瞓醒起身仲可以由間樹屋跳落海，隨時隨地着比堅尼游水同曬太陽，感覺好舒服！」

要靚仔陪食早餐

想像力豐富的Mia笑言希望有一位型爆的白馬王子，每日於樹屋下等她。她笑謂︰「如果每日都有個白馬王子拎住紮花喺樹屋樓下等我，又陪我食早餐，我應該會好冧，而且仲好開胃添！」雖然Mia滿口夢話，但問她最想見哪位白馬王子時，她卻認真地說︰「當然想超現實，不過我最想嗰個係我爸爸，因為佢過咗身後，我真係好耐冇見過佢。」