克勤唔怕詞膠 有noise就掂
李克勤連同填詞人陳詠謙一同為新碟寫詞，主打成年人兒歌，不過新歌《姐姐》早前推出時，卻遭網上討論區鬧爆，克勤直言自此學識何為「膠」，又謂能營造話題也未算太差。
李克勤即將推出廣東專輯《在森林和原野》，全碟以成年人聽的兒歌為概念，讓人感覺歌曲內容直接簡單，特地夥拍新進填詞人陳詠謙共同為新歌操刀填詞。其中新歌《姐姐》早前派台時熱爆各討論區，指歌曲本來是以小朋友角度讚頌辛勞照顧他們起居飲食的菲傭工，但後段竟變成情歌，令樂迷聽得莫名其妙，更直指填詞的陳詠謙「派膠」。
另類方法寫情歌
對於網民反應，陳詠謙表示歌曲本來就是想講述跟菲傭有關的情歌，只是用一種較另類方式道出。克勤亦幫口稱：「可能網民有少少誤解。」
陳詠謙坦言新歌遭人批評初期的確不快：「派台畀人咁講好慶，後來明白到用另一種方法寫情歌，一定有人唔鍾意，亦會有另一班重口味嘅人鍾意，所以唔計較得咁多。」克勤則稱自此之後知道何謂「膠」：「依家有咩唔畀人鬧？有啲事冇得阻止，但有個話題畀人講未必唔好。」
大仔愛聽Justin
新專輯已經完成製作，克勤稱細仔亦率先試聽，且至少每天聽20次，最喜歡爸爸的新歌是《Goodbye》，克勤說：「首歌概念好得意，因為細仔每日放學都會唱歌，同其他同學老師講明天見，於是啟發我想做一首感覺開心，好快會再見嘅歌。（大仔有否聽新碟？）佢依家開始聽Justin Bieber啦！」
另外，克勤前晚出席電台活動，對於有傳曾志偉找藝人返無綫拍劇救亡，問到可會拍偶像劇？克勤笑言：「冇所謂，話晒我都係偶像歌手，但唔相信係救亡，因聽到無綫好多劇都話祝捷。（拍劇換亮相無綫唱歌？）係咁簡單就好啦。」而克勤坦言當年拍首套劇只有六千元酬勞。
文：曹家誠
攝：林楠
髮型：Adolph Bow
化妝：Angel Yip
服裝：Fred Perry by I.T