敖嘉年登台傾婚事年底行禮

黎耀祥、敖嘉年、唐詩詠、周家蔚、楊秀惠等昨日為無綫劇《造王者》宣傳，有報道嘉年九月到加拿大結婚，他昨解釋九月會去當地登台，將與女友同行並順道探望其家人及傾婚事，嘉年說：「我哋拍拖十二年，計劃年底結婚，（結得咁急有喜？）我都想但唔係，我哋感情穩定，對結婚已有共識不鋪張不擺酒。」
敖嘉年爆好事近，唐詩詠恭喜。
敖嘉年爆好事近，唐詩詠恭喜。

李添勝否認拍《巾幗3》

同場的祥仔表示晚上有睇《巾幗梟雄》重播，他說：「每節都有十幾個廣告好犀利，幫公司賺錢係咪要分啲佣畀我？（開《巾幗3》？）聽住先啦！」而監製李添勝昨在電話中否認開第三集：「作嘢！我明年二月係開劇，有預黎耀祥但冇鄧萃雯！如果揀女角我會用新人，考慮緊賈曉晨、苟芸慧！（退休？）今年係退，只係口頭承諾無綫明年起每年拍一劇，但公司話二月要開一套，真係搵我笨！」

大肚婆周家蔚出席活動，獲優待坐埋一邊。
  • 大肚婆周家蔚出席活動，獲優待坐埋一邊。
黎耀祥與楊秀惠（左）在活動上玩遊戲。
  • 黎耀祥與楊秀惠（左）在活動上玩遊戲。