家庭醫生關嘉美表示患上唇瘡，醫學上名稱為「單純疱疹」，會經病毒、口水和眼淚傳染入侵破損傷口或皮膚，她說：「如果生過一次嘅話，就會成為一世帶病毒者。當有感冒、壓力大、唔夠瞓嘅時候，就會有機會復發。如果共用化妝品嘅話，有機會感染唇瘡，仲會有紅眼症、暗瘡同埋眼瘡等等病症。」問到會否因共用化妝品感染愛滋病？她說：「好少機會感染到嘅。」
