DaDa谷胸派糖唔怕色狼
陳靜性感打扮到旺角鬧市派爆炸糖宣傳電影，吸引過百途人圍觀。而邵音音亦不輸蝕，以奇裝異服突圍而出，還笑言成世人未試過咁多人望，自言贏咗DaDa。
藝人陳靜（DaDa）前晚性感拋胸，聯同佩戴約一呎金色假髮的邵音音，到了旺角行人專用區向途人派爆炸糖、事業扇和tee，為票房直逼二千萬港元的電影《低俗喜劇》宣傳，吸引過百名途人圍觀和搶奪，場面混亂。
自認夠低俗
陳靜表示過程中未有發生不快事，自己亦不擔心有人會「手多多」，她說：「佢哋想要糖多啲，唔會襲擊我嘅，我個人都好低俗，如果同我鬥低俗我會贏。有咩事會打佢一巴。（好性感喎！）為宣傳性感ok嘅，遵守番個承諾。（票房三千萬會着三點式派糖？）好『娘』，唔好嘞，一係逐個餵糖啦。」問到會否希望提名電影獎項？她說：「自己係新人唔敢太大期望，交畀電影公司。」
要獎唔要錢
邵音音則表示佩戴的假髮很重和很焗，十分辛苦，她說：「不過開心嘅，呢世人未試過咁多人睇住我，今日我贏咗DaDa。」她表示因工作關係可能未能隨大隊到海外旅行和謝票。問到會否要求折現？她說：「我都唔鍾意錢嘅，我只係想拎獎，拎過可以再拎。（拍續集？）唔出奇，睇吓觀眾鍾唔鍾意。」
文：影視組