四太趕機超欣零食探賭王
賭王何鴻燊近日因體檢再入住養和醫院，昨午，四房子女何猷君與妹妹何超欣先後到醫院探望父親。超欣手拿一袋零食到場，問是否買給父親吃？超欣說：「佢唔食咪我食囉。（擔心嗎？）擔心，所以依家咪入去睇佢囉，不過唔知佢咩情況同幾時入院，你問媽咪啦。（你幾時返番英國開學？）鍾意幾時返都得，趕得切開學就得。」她又透露母親剛落直升機，將趕來醫院。而猷君就未有回應記者問題，只表示沒有跟父親玩啤牌解悶。
至晚上七時許，四太梁安琪抵達醫院，笑容滿面的她被問到賭王情況時，她笑言：「你仲清楚過我啦，仲使問？」另外，合和主席胡應湘與太太亦於五時出現，還向記者打聽在等誰，當他知道是賭王後，便說：「冇事嘅。」