苟芸慧羅天宇翻撻Hold住先

無綫藝員苟芸慧、胡杏兒、曹永廉及麥長青等昨日到將軍澳電視城出席劇集《怒火街頭2》祝捷活動。苟姑娘近期新聞多多，除與鄭嘉穎傳緋聞外，又傳前男友羅天宇出動阿媽箍煲成功。

否認向曹永廉放電

問到復合可能性時，苟姑娘否認說：「依家冇可能！因為當初分手大家都係想專心工作，所以點會呢？其實我哋有一排冇見面，都係因為呢單新聞先聯絡番，佢都話冇講過話想復合呢樣嘢。」又稱羅天宇母親是她契媽，故不時會到對方屋企飲湯，但沒留宿過夜，現時回復單身的她自己居住。對於有指她向曹永廉放生電，兩人昨日碰面及合照時未有尷尬，苟姑娘強調清者自清，但承認怕身處外地的父母擔心，故主動致電解畫：「我同父母講，佢哋個女冇學壞。」

曹永廉與苟芸慧大方合照。

杏兒指鎮宇是藝術家脾氣。

杏兒最驚被鎮宇鬧

吳鎮宇最近為《衝上雲霄Ⅱ》開工時大發雷霆，與鎮宇有不少對手戲的杏兒說：「暫時都未同佢開工，藝術家情緒係有啲起伏，遇到呢啲情況惟有即閃。」問當年與吳鎮宇合作可有捱鬧？她謂：「佢對事唔對人，當年我哋成班冇經驗，佢會鬧o架！不過佢都係為我哋好，冇佢我都冇今日啦！佢都算係我第一個師傅，依家仲畀佢鬧就死囉！」

此外，倫敦奧運過後，《怒火2》收視回升，截至星期四平均收視達32點，最高收視錄得39點，約248萬觀眾收看，星期四一集更錄得35點平均收視。

文：影視組