李嘉欣被取笑阻住個仔學嘢
大美人李嘉欣昨日出席護膚品牌活動，表示每次離港工作都會感到depressed，因為掛住兒子小JM，她坦言兒子很獨立，且每次出埠回家，都會發現小JM學識很多，連朋友都笑她不如多出埠工作：「講到我好似阻住個仔學嘢咁！」早前揚言封肚的嘉欣表示與老公有默契，也不想生女背負自己壓力：「我一生畀人評頭品足都夠，呢啲無謂嘢會影響佢成長。（冇女兒遺傳你嘅美貌感可惜？）生出嚟唔一定似媽咪咁靚，總之係我選擇，唔覺可惜，係緣分！」
而模特兒汪圓圓與媽咪以母女檔出席，對於日前被本報獨家拍到試婚紗一事，她否認好事近，只是為工作而已，而汪媽媽則大讚女兒男友蔡加讚，並說：「係時候結婚就結婚，唔會畀壓力！」
