婷婷周遊列國年年嫁一次
常言結婚大事一生人一次，不過謝婷婷就笑言希望可以每年或每隔一年舉行一次婚禮，原因婚紗太漂亮，而且她希望與「未來老公」安志杰在世界不同的地方辦婚禮，讓每一個地方都能留下二人甜蜜的足迹！
昨日著名時裝設計師何國鉦舉行婚紗婚宴發布會，並由婷婷示範由他設計、價值888萬元的珍珠婚紗。問婷婷與男友安志杰何時有好消息？她甜笑說：「大家都傾過好多次，覺得順其自然，不過如果可以揀，希望每年或者每隔一年搞一次婚禮，因為如果要我揀一個地方真係好難，我又想喺意大利、希臘或者夏威夷搞婚禮，唔明點解女仔只可以着一件婚紗？婚紗咁靚，應該着多幾件！」
唔會秘密結婚
問婷婷可會效法哥哥霆鋒秘密結婚？她說：「唔會，我個人好open，鍾意同人攬攬錫錫，分享開心時刻！（媽咪有冇留嫁妝畀你？）我睇過少少，覺得有啲古老，又睇過媽咪同爹哋嘅結婚相，覺得媽咪好靚，反而爹哋戴烏蠅鏡蛋撻頭好古老，依家靚仔好多！」
大讚陳雅倫靚
至於有指王晶為力捧她而拒絕同樣有份演出電影《絕色武器》的陳雅倫出席北京宣傳？婷婷認為每一個演員都應該要出席，因為這是team work，她又大讚陳雅倫漂亮，很喜歡跟對方合作。
而設計師何國鉦被問到甄子丹姨仔汪圓圓到其婚紗公司試婚紗，是否好事近？他笑言圓圓是為他的婚紗騷行騷而試身，但相信她與男友蔡加讚也離好事不遠矣！
文：名人組