歌手鄭欣宜（Joyce）昨日出席活動，剛完成舞台劇的Joyce大感不捨，更透露帶病上陣：「開騷前已經作作哋感冒，一完騷就發晒出嚟，已經睇咗醫生，本身今日放假，但知呢個活動有意義，所以都嚟支持吓。」
日前有品牌出動半百裸男宣傳，風靡萬千少女，問到欣宜可有留意肌男？欣宜笑說：「冇特別睇喎，（因為身邊有個勁啲？）唔好咁講，我同佢哋撞過好多次喇，唔留意佢哋，冇乜興趣睇body，因為自己個body都唔得，我比較留意人嘅才華多啲。」
