岑杏賢贏人緣唔mind三甲不入
應屆港姐候選佳麗昨日出席珠寶首飾試戴會，在佳麗互選下，岑杏賢獲得「最佳首飾演繹佳麗」獎，並自稱因人緣好故獲得獎項。
十位應屆港姐候選佳麗，昨日出席「2012香港小姐珠寶首飾試戴會」，佳麗以catwalk形式出場展示新款首飾。早前在倫敦拍攝外景期間因「亂拋底褲」事件鬧不和的湯洛雯和李渼琦關係似乎已經緩和，兩人隔着岑杏賢，雖然十分接近，但也沒有因不和事件而尷尬。
曾明俐睇好自己
另外，在佳麗互選下，岑杏賢獲得「最佳首飾演繹佳麗」獎，並獲頒18K金首飾套裝。岑杏賢表示可能人緣好故獲得獎項，問到是否有信心奪得「友誼小姐」獎？她說：「有都開心。（通常不入三甲喎！）唔一定嘅。唔緊要，友誼第一。」有份投岑杏賢一票的佳麗曾明俐表示替對方高興。問到有否信心比賽當晚奪獎？她說：「有。（咩獎？）冠軍囉。自己優點係有信心同表現好，缺點係說話比較率直、廣東話差啲得罪人都唔知。」現場見她額頭出現粒粒，她表示已每晚做水分面膜，勤吃生果和湯水，有運動和充足睡眠令狀態好啲。（睇好自己？）咁一定啦。」
文：影視組