祖兒強忍喪貓痛 搞Gag谷戲

最近忙於宣傳英皇電影《DIVA華麗之後》的容祖兒，前晚返港經歷喪貓之痛，與她相伴12年的愛貓「妹妹」病逝，她前日凌晨在微博中留言表示對愛貓的不捨，至清晨4時35分再上載合照，並說：「再見了，我最愛的妹妹豬……I will always love u miss u。」看來情緒低落的祖兒難過得失眠。

祖兒昨透過電話訪問表示，前晚得知在醫院的愛貓吸氧氣仍難救活，於是接牠回家：「我同細佬捉住佢手仔陪佢過最後一程。（喊爆？）點都會，養嘅貓走得七七八八，剩番兩隻相依為命，已經Book咗寵物善終服務，會火化，骨灰同之前嘅貓放同一位置。」她讚「妹妹」是「最佳交際花」，懂招呼客人，又曾「參演」其MV及CD封套，與她共度不少難忘時光。

祖兒獲眾多支持者撐場，令她十分安慰。	妹妹	阿澤與祖兒大搞氣氛，興起時高舉戴上金錶的左手。

訂票爆場感興奮

專業的祖兒昨晚收拾心情，穿上特色紅裙與監製兼男主角杜汶澤現身《2012夏日國際電影節》的《DIVA華麗之後》首映，擠出笑容的她有時不禁扁嘴，顯得傷感。在台上被問到與阿澤合作是否很多笑料？她不忘搞Gag：「我哋呢部唔低俗o架喎！」令全場爆笑！她說：「第一次講嘢咁多人笑！」她又讚監製阿澤「低俗」及「華麗」均可，望新片與對方的《低俗喜劇》一樣收得：「上網見《DIVA》訂票好多Full House，都輕鬆咗，嚟緊會去十幾個地方謝票！」但一提到與劉浩龍的戀情她則表現避忌，拒答會否跟對方慶祝生日等問題：「我每日答等於同意將我個名連落呢度。（唔想個名連住佢？）我指感情同私人方面。（太絕情？）識我嘅人會體諒。」

阿澤自嘲成就低

戴金錶亮相的阿澤被問到另一套電影《低俗喜劇》的本地票房撼低梁朝偉的《聽風者》時，他自嘲：「咁講即係攞我嚟較飛！我套戲內地冇上，人哋已經收過億。我拍戲為咗娛樂人，我嘅級數同成就一世都追唔到梁朝偉。」

文：影視組