彭浩翔撼贏偉仔唔認叻

由杜汶澤、陳靜孭飛的新片《低俗喜劇》,開畫3天收491萬,同日上映的《聽風者》內地票房上映1周收1億3千萬人民幣,本地則收180萬,不及《低》片,對於揮低影帝梁朝偉,《低》片導演的彭浩翔昨日出席謝票活動時表示,寄望能原班人馬上陣開拍《官人放題》。女主角可會是陳靜及邵音音二選一?彭導說︰「佢哋兩個係二合為一嘛!(票房撼贏偉仔!)冇話邊個贏邊個,最緊要係成個市道好。(會唔會出小說版?)唔會!以前都係電影公司要求。」

而杜汶澤表示兩部作品不同風格,更謂︰「我一生成就都唔能夠超越偉仔,佢哋內地收得,我哋係做香港人口味。(做多啲香港電影?)會,有人投資一舊錢畀我,做純本地創作電影,預計3千萬拍5部。」