郭羨妮操弗搵奶粉錢
郭羨妮（Sonija）產後兩個多月，一直忙於照顧愛女Kylie，不過九月Sonija終於正式復工，回復最佳狀態的她已作好準備，接演監製梁材造的民初劇，劇中她將與兩位「爸爸」陳錦鴻、黃浩然合作，大把湊B經交流。
谷肥囡囡
Sonija昨日接受電話訪問時笑言近日都很忙碌，因為不少朋友包括佘詩曼都前往她家探B女，大家十分開心。母愛氾濫的表示現時湊女不算太辛苦：「因為朝早媽咪都有幫手，依家BB仲未戒夜奶，醫生話最好食多一陣先，所以夜晚就自己湊番。佢依家已經識笑，而且畀我谷到好肥，有十幾磅，上次打針磅時都已十磅多。」
準備再生
久休復出拍劇，Sonija有足夠心理準備開工，她笑言：「開工咪開工囉！未驚過，（有冇同監製傾開工時間？）冇，正常囉！毋須特別遷就我，我啲對手都係爹哋，到時可以講湊仔經。」她又表示自己向來怕凍不怕熱，故開拍民初劇都不怕辛苦，又表示生完BB後體重都達148磅，不過連日來吃得清淡，故現時已回復115磅的體重。
Sonija的老公朱少杰現時於內地拍劇，她坦言老公都支持她復出，問老公有否叫她生多個？她笑言：「佢梗係想，我都想，不過醫生話最好半年之後，或者出年年底啦！始終小朋友有個伴都好啲，依家做住嘢先啦！」文：影視組