曹敏莉 楊思琦交流湊B經

港姐出身的曹敏莉(Mandy)、楊思琦、許亦妮昨出席慧妍雅集活動,剛榮升為會長的Mandy碰上思琦更大談湊仔經。Mandy表示女兒將於9月上學前班,但她因工作不能陪同,她謂:「都唔會可惜嘅!想佢學識獨立,唔想做怪獸家長!」思琦自爆公公婆婆爭住湊孫:「我媽咪話湊孫仲多過細個嗰陣湊我!」

另外,許亦妮坦言冇拍拖:「之前麥包都叫我收觀音兵!(有咩擇偶條件?)專一啦,想細水長流,唔會咁容易嗌分手。(之前嗰啲成日講分手?)唔係,但覺得香港男仔好小器!」