Kelly美國奶谷肥小龍包
天后陳慧琳（Kelly）昨日出席代言的瑞士依波路錶發布會，被問到近日毒奶粉事件，Kelly指細仔食用的奶粉是跟醫院配的美國品牌，故暫不受影響，又笑指細仔「小龍包」很大隻：「佢已經18、19磅，4個月大咋！抱得耐會由手連住條腰痛。（千嬅抱仔抱到甩骹？）佢誇啲，新手嘛。（佢keep fat？）我都仲差幾磅，着到以前啲衫已經好happy，老公對我嘅身形冇意見。」
她又爆大仔「蝦餃仔」的趣事：「佢見細佬喊，就會皺眉講『唔好喊啦』；睇奧運舉重比賽，就會扮啲選手。」此外，問到陳奕迅的新歌被指嘲諷內地人無禮，Kelly說：「佢都話咗唔係。（徐濠縈之前疑被內地人偷拍，因反擊被網友鬧？）成日都畀人影o架啦，公眾人物就要接受，又唔係跟住偷影，詐唔知就算。」
名模Jocelyn與老公Anthony則為活動行騷，Jocelyn看上起比之前胖了，但她否認懷孕。