陳嘉桓泰梳乎怕錯溝人妖
陳嘉桓（Rose）前晚與周慧敏齊以嘉賓身份出席Swarovski秋冬首飾系列發布會，姚書軼和莊思敏等擔任模特兒行騷。Rose稍後將有數天假期，將與家人到泰國旅行，享受陽光與海灘：「喺香港嘅海灘會畀人撞到，（喺泰國都會！）我到時講泰文咪得囉！」而月前到泰國拍攝旅遊特輯的她，因長得太高以及聲音比較「Man」，曾被當地人誤為人妖，問她可會怕再次被當是人妖？她說：「佢哋咁靚，唔驚啦。我努力啲（工作），等人哋知道我係邊個。」
Rose預告此行將會穿三點式游水，但一上水會包到實，同行只會有數位女性家人，但她不會趁機獵艷：「驚獵錯人妖，哈哈，因為女變男都得㗎嘛。（會否同朋友去旅行？）唔會，信唔過，有危機感，淨係會同屋企人去。」
周慧敏慶幸冇微博
另外，周慧敏對於有藝人在微博評論運動員而遭網民狂插，她慶幸沒玩微博：「我珍惜我Part-time藝人嘅空間，唔鍾意任何時候都同人分享。（戥佢哋慘？）唔係話慘，人哋可以Comment，作為藝人唔好咁執着，唔好影響到個人生活就OK。我以前都好緊張人哋點睇我，去到呢個年紀已經唔會，無明星包袱。」
文：名人組