夫妻情難忘祥嫂睹碟思祥哥
「祥嫂」洪金梅、鄧兆尊、鄧小艾等昨日在會展出席活動，宣傳新馬師曾（祥哥）舊曲重新混音的唱片，製作人丘亞葵指現在推出第三批，總共有17隻唱片，希望在明年暑假前全部推出。他又透露每隻唱片的0001號，都由祥嫂私人保存，祥嫂說：「如果有需要，會拎出嚟慈善拍賣，幫一啲眼科團體。」
由籌備到推出，長達五年時間，問到過程中祥嫂有否睹物思人，祥嫂謂：「一定有㗎啦！幾十年夫妻！」祥嫂指整個過程都群策群力，兆尊和小艾都有幫忙，兆尊笑言：「我就做中間緩和嗰個人，因為大家都有唔同意見，咁我就做中間人，（媽咪話事多？）係呀！媽咪話事！」祥嫂聽到即說：「我依家改進咗好多㗎啦！我明事理，會接受人意見嘅！」
