Kary大方林德信避忌
與網球王子男友翻撻的吳雨霏（Kary），昨日首次與緋聞男友林德信（Alex）同場出席活動，Kary大方表示不介意和對方同台；相反Alex則稱怕再傳緋聞，會避忌和Kary出街。
吳雨霏、林德信、孫耀威（Eric）和鍾鎮濤（阿B）、Robynn & Kendy（R&K）、麥家瑜等歌手出席有關義工的慈善活動，對於和緋聞男友同場，她大方稱不介意，亦不用向男友備案：「唔介意同佢同場，我哋喺好朋友，唔需要特別避忌。」她又大談做義工經驗：「中學曾經做義工探老人家，（搵埋男朋友一齊？）慈善喺發乎內心，希望用藝人影響力鼓勵大家一齊做善事。」另外，她又自爆早前和鄧麗欣（Stephy）、楊愛瑾（Miki）等「餅碎」食飯，被問到Miki結婚傳聞，她說：「唔係，（咁佢想唔想？）你哋問佢啦！」而Alex對於早前被拍到和Kary同進晚膳，怕醜的他解釋說：「嗰晚有其他朋友在場，不過下次會避忌吓。」
孫耀威「博」得起
同場的Eric對於網民和粉絲就他電腦被偷一事爆發罵戰，他大嘆無奈：「我都想呻吓，冇針對任何人（為何刪微博？）唔想fans同網民發生罵戰，（以後唔敢玩微博？）要玩就要玩得起。」
帶同兒子出席活動的阿B談到做義工經驗，表示會身體力行教導子女做慈善：「我有帶過子女去山區做義工，幫助弱視病人。」另外，B哥早前化身健康大使同幼女鍾幗一起拍攝教育電視廣告，一同宣揚正確的健康訊息。
文：音樂組