志雲Jan笑泯恩仇

陳志雲前晚高調現身捧傳不和的林曉峰（阿Lo）《一屋寶貝》場，同場尚有白雪仙、徒弟陳寶珠及兒媳，許冠文、顧紀筠等貴賓，但焦點落在主動與阿Lo握手搭膊合照的陳志雲身上。對於Jan傳因代胞弟阿Lo出氣而劈炮，陳志雲說：「冇咁嘅事，佢成日都咁幽默，佢要開騷所以請假，我哋合作愉快。（阿Lo同你有牙齒印？）我再強調佢唔係被炒，係佢想返TVB。的確係好多傳聞，可能節目變動多，但大家關注我哋都係好事。」

同場的阿Lo對於哥哥Jan傳與陳志雲不和一事說：「唔知喎，但佢（Jan）一定唔係唔做。（佢哋關係點？）唔知，但我覺得氣氛一樣啫！（你同陳志雲有打招呼？）見到一定打招呼。」不過昨晚在網上流傳Jan與陳志雲的傾偈照片，只見陳志雲笑容燦爛，似為二人闢謠。

贊成葉德嫻出山

此外，陳志雲對於王晶拍劇助無綫打電視戰說：「應該係王晶間內地製作公司負責拍攝，TVB投資都有版權，（葉德嫻出山拍劇？）係好事，舊演員帶新演員，但我唔係TVB員工唔應該講咁多。我知無綫買咗《一屋寶貝》版權會拍電影，詳細要問樂易玲。」而陳寶珠坦言有興趣做舞台劇，更叫記者替她「呼籲吓」。

文：影視組