林欣彤撻着陳家樂 愈咀愈有feel
「小巨肺」林欣彤（Mag）與陳家樂在新片中飾演一對小情人，當中不乏親熱攬錫情節，阿Mag坦言與陳家樂恍如拍了十年拖，家樂則揚言「不排除有發展可能」，實行向Mag的男友羅孝勇下戰書。
Mag在英皇電影新片《DIVA華麗之後》中，與陳家樂飾演一對兩小無猜的小情人，二人雖是首次合作，但默契十足，在多場攬錫場面演得相當真實，阿Mag說：「其實拍之前我哋都好尷尬，我同家樂埋位前都有互問對方『介唔介意』，知道大家都好想拍好套戲，就好快投入咗角色，好信任對方，我好驚訝同佢就好似拍咗十年拖咁。」
咀到口乾口攰
陳家樂與阿Mag合演情侶雖然默契不俗，但NG次數也不少，他說：「有場戲我追出街攬住阿Mag嘅kiss戲，因為導演想一個鏡頭直落，NG超過20次，拍到口攰、口乾，不過唔知點解，我同阿Mag好似特別啱傾，拍戲前我哋完全唔識，第一次記者會都冇交流，但拍第一個鏡頭已經係拖手、攬錫，竟然埋位即刻有感覺。」
二人默契十足，初次合作便有化學作用，問到家樂會否向Mag展開追求攻擊？家樂笑言：「其實戲外我都好欣賞佢敢作敢為嘅音樂態度，我唔排除同佢有機會發展o架！」
懶理女尊男卑
已有緋聞男友羅孝勇的阿Mag說：「哈哈！咁我都唔排除可以同陳家樂發展。（戲中你男友地位比你低，現實中你接唔接受到？）梗係得，真心愛一個人，係邊個都唔可以取代佢，即使佢地位低過自己，你都可以睇到佢嘅骨氣同意志！」
文：影視組
服裝：2068（林欣彤）、adlib（陳家樂）
化妝：Cyrus Lee @ Beauty Tech（林欣彤）、Khaki Yan（陳家樂）
髮型：Ron Ng @ HH Hair Nail（林欣彤）、Kenrick @ Ching（陳家樂）
場地：印尼餐廳1968