Mr.嗒番兩杯騷前解放
樂隊Mr.將率領師弟師妹舉行音樂會，Mr.五子表示不介意開騷前飲兩杯紓緩一下，五子酒量各異，他們互爆醉酒後怪行，原來成員Ronny和Tom飲大兩杯會刨經典武俠小說，認真搞笑！
五人樂隊Mr.將與師妹組合Robynn & Kendy及林子祥兒子林德信，合作演出《軒尼詩炫音之樂》音樂會，屆時各人會在台上互動，Mr.還與台灣女歌手A-Lin（黃麗玲）同台Jam歌。
Tom醉酒做「書僮」
Mr.不諱言亦好杯中物，閒時亦愛嗒番兩杯，惟五子酒量各異，他們互爆酒後怪行，主音Alan與MJ笑言飲大兩杯後，就會不停說話；而Ronny和Tom竟然會喪睇經典武俠小說，未知會否邊睇邊耍拳？Tom更笑稱會做「書僮」，十分搞笑；至於Dash就因為經常要駕駛，不能開懷豪飲，故酒量一般而已。此外，Tom大讚Ronny懂得品酒，而且酒量不錯，他笑稱：「我媽咪都好飲得，佢同Ronny飲到一家親，仲間唔中會研究飲酒心得。」另外，Alan表示有時開騷前，間中會飲番兩杯紓緩心情，到真正演出時，表現更放更盡，他說：「我哋都唔係亂劈酒，只係慢慢嗒。」
至於師妹Robynn則自稱酒量淺「唔飲得」，反而另一成員Kendy則酒量不錯，Kendy表示有時去外地旅行，或者出席朋友生日會，都會暢飲兩杯高興一下。此外，Mr.大讚師妹組合的音樂風格清新，對Band sound有「中和」作用。
文：專案組
攝：劉智源