郭栢榮開口嚇窒黎明
擁有純正英國血統的英國人郭栢榮（原名Barry Cox），早前與資深製作人蔡和平簽下經理人合約，正式進軍娛樂圈。有副外國人典型臉孔的郭栢榮操一口流利廣東話及普通話，談到入行經過，他直言蔡和平是他的「伯樂」：「我一直上網search啲製作人，之後喺社交網站見到蔡和平，所以就同佢做咗朋友，之後我哋仲約咗出嚟傾偈！」
據知蔡和平認為郭栢榮為人熱誠，又懂得詠春、跌打等中國國粹，故談了數小時後便簽他為旗下藝人。郭栢榮有意向樂壇及主持界作雙線發展：「我依家錄緊一首講環保嘅歌，之後都會亮相無綫節目。」入行前已參與無數歌唱比賽的他，多數唱黎明的歌，之後有人介紹二人認識，起初黎明以英文跟他交談，他一講廣東話即刻嚇了黎明一跳！
