藝人麥長青（麥包）昨日以義務的助廣大使身份，出席義賣月餅試食會，他表示：「雖然好多總理會自己拎錢出嚟做善事，但依家想擴大服務範圍，所以就要籌款，希望等大眾認識多啲。」
另外，麥包有份演出的無綫新節目《玩轉3周1/2》被指抄襲日美趣劇，他回應謂：「小朋友、上咗年紀嘅，都未必識上網，我哋只係將好嘢做番畀香港觀眾睇！好似以前嘅ＥＹＴ咁，我鍾意ＥＹＴ精神，無論半個鐘定一個鐘，畀返屋企最勞苦功高嘅人睇！」
