姚書軼講眼緣 林莉唔吼老外
兩大名模姚書軼（Mikki）及林莉（Carrie），雖然樣靚身材正，可惜感情方面交白卷。Mikki即使早已過了自己的理想結婚年齡，但自信Mr. Right快將出現；而Carrie則有外籍男士向她求婚，可惜對方並非真命天子而斷然拒絕。看來名模都對感情相當謹慎，寧缺勿濫。
名模姚書軼（Mikki）昨出席廚具品牌Kuppersbusch活動，透露剛從上海探親回港，更大呻被親戚追問感情狀況。她更笑言：「媽咪仲想教我下廚留住男人心。不過我唔會做『馬大嫂』（家庭主婦），感情嘅嘢順其自然。」她坦言目前沒有拍拖，但卻自信爆棚地甜笑表示：「我第六感講畀我聽好快會有。」她坦言曾訂立要30歲前結婚的目標，但現已超過限期幾年，又表示不會再給自己期限，最重要是合眼緣。
自爆有外籍男求婚
至於穿上中、西式婚紗行騷的Carrie，則自爆於四月中時有一名外籍男士向她展開熱烈追求，可惜對方並非真命天子，她說：「佢特登飛嚟香港見我，又講到我好似佢結婚對象咁。（向你求婚？）類似啦，不過我哋識嘅時間好短，我又唔係對佢一見鍾情，可能要認識耐啲先，所以拒絕咗。」她強調自己於感情上抱寧缺勿濫的態度，更笑言：「我細佬先拍過一次拖！我都拍過三次，可能係家庭從小就教我哋要認真對待感情。」
Soler改名添新成員
而同場的組合Soler成員Julio則興奮表示Soler早前於台灣電影節獲得最佳配樂獎，更是唯一一隊香港代表獲獎，他並透露組合將加入新成員Don Ashley，並改名為SolerTrio，期望為樂隊帶來新衝擊。
文：名人組