楊思琦否認翻撻李泳豪
楊思琦因搭上前跳水運動員吳帥，狠撇男友李泳豪，在年初誕下囡囡楊卓穎後，又與吳帥鬧翻要獨力撫養女兒，近日有傳她以愛的短訊翻撻舊愛李泳豪。昨日思琦與楊愛瑾等出席公開活動，思琦直接否認有關傳聞：「冇咁嘅事，都唔知邊度傳出嚟嘅，話知情人士透露，但點解啲內容連我自己都唔知？真係唔係事實。」對於又傳她與吳帥是假分手，她說：「唔講喇，總之一切隨緣啦。」
另外，李泳豪亦在電話中表明與思琦很久沒有聯絡：「唔係事實嘅嘢唔回應，我依家係單身，目前只係想專注工作。」其兄李泳漢亦未有聽弟弟提過復合，而父親李家鼎亦否認就思琦傳短訊給泳豪而爆粗。
