孫耀威電腦離奇失蹤

Eric前日飛往內地福州登台，抵達當地的酒店後，發現放在行李篋內的手提電腦不翼而飛，最離奇是行李鎖竟絲毫無損。同日晚上10時，他上載一張行李篋相片到微博，並留言：「在香港往福州的行李裏面的手提電腦被偷了！我的行李有密碼鎖……辦（犯）案的人！請自首吧！」即引來不少圈中人留言安慰，Eric昨日從福州返港，再轉機往內地大連出席商演活動，他在電話中說：「好黑仔！部電腦新買3、4個月，冇咗為新碟創作嘅100首歌，最慘入面有我啲證件影印本，有名同證件號碼。（有冇慾照？）冇。」

行李鎖冇被撬過

對於手提電腦被偷，Eric說：「好神奇，個鎖冇畀人郁過，入面就畀人摷亂晒，我知道有啲鎖匙一拮落去就可以開到，要犯案嘅人隨時都配到呢啲匙，加上件行李好多人都接觸到，錢財身外物，當買個教訓。」Eric表示愈想愈多疑點，他說：「我坐頭等，行李應該最快出，點知我嗰件行李仲慢過坐經濟位嘅乘客，時間差距有問題。」

重要物品會隨身

Eric透露希望透過微博物歸原主，怎料惹來網友罵戰，甚至有人用粗口留言及人身攻擊他。問到會否追究？Eric說：「尋日（前日）已經去咗附近公安局備案，今日返香港時又去咗警局備案。」留有陰影Eric笑言以後駝背都要孭住金錢及重要物品。

文：音樂組