陳奕迅送慰問呵番劉翔
「欄王」劉翔前日在奧運百一米欄預賽時，於跨第一個欄便摔在地上出局，令萬千粉絲心碎，昨日由英國返港的陳奕迅亦表示可惜，指稍後會「呵番」劉翔。曾經是運動員的方力申也感同身受百感交集，感激劉翔2004年奪金，對中國田徑貢獻很大。
歌星陳奕迅（Eason）之前以國家羽毛球隊榮譽大使身份，到倫敦為中國運動員打氣，昨日他由英國返港，現身機場時頭戴深綠色帽，T恤印上「GAY O.K.」的Eason未見妻女同行。對於「欄王」劉翔腳傷摔倒出局，Eason謂稍後會「呵番」劉翔，他說：「好可惜，我識佢㗎，遲啲會搵佢安慰佢。」Eason太太徐濠縈早前在加拿大度假時，因不滿被拍照而有微言，後來遭網民追擊狠批，Eason說：「當日我哋一家三口喺加拿大食麵，阿徐係媽咪好緊張個女，見有人不停舉高部電話，好似影緊相，又不停被人望，食餐飯都食得唔舒服，所以護女情切，先衝動咗少少，作為藝人我哋好明白公眾人物是要承擔壓力，但個女仲細，無必要陪同我哋承受壓力，希望大家了解。」
王力宏受感動
對於劉翔因腳傷再次緣盡奧運金牌，昨仍成為熱話，台灣藝人王力宏亦在微博留言：「劉翔，謝謝你的努力、你的付出。謝謝你帶給我們的團結和感動。」並上載了他和劉翔的合照。
而方力申前晚錄影《環遊世界明星賽》時，對劉翔失手表示感到百感交集，他說：「又失望又同情，最慘係咁多年嘅努力完成唔到，同時亦好感激佢04年攞到金牌，對中國貢獻好大。」對於網友插劉翔「造假」，他則說：「網上咁多意見，好難拗贏佢哋。」江若琳對於偶像劉翔失手也感可惜，她再三翻看重播，認為是意外及心急造成。
文：影視組