苗僑偉最大回報賺個家
「三哥」苗僑偉昨日以代言人身份，出席香港舉行的「太陽金業集團有限公司」開業活動。經理人黃柏高率領公司旗下藝人陳奐仁、陳僖儀、組合As One到場，其他藝人方力申、梁漢文和關心妍、堪輿學家李丞責亦有出席。
留言無唔啱
當中苗僑偉以金色「煲呔」亮相，有指他以七位數字酬勞擔任代言人，他不置可否說：「唔好講呢啲，我從來唔講錢，總之滿意啦，搵兩餐啫。酬勞梗有，但點會講商業秘密出嚟o架！」他笑言個人最大的投資回報就是賺到太太和仔女。
另方力申早前在微博留言指香港奧運選手李慧詩為港爭光，結果被網民狂插指「香港」一詞不當，有分開中國和香港之意，方力申說：「正常小小嘅人都會覺得無唔啱，有時唔使太在意同佢哋鬧交、解釋同糾纏。（減少留言？）唔會，我一啲錯都無，你問大家邊度有錯？唔通孫楊拎冠軍為杭州爭光又有錯？嗰啲咁樣講嘢嘅人先係洗腦洗過龍。」
有意搬大屋
而關心妍透露有意搬大屋，若有小朋友時可給她更大空間走動。問到黃柏高是否有意將梁漢文羅致旗下？他說：「我哋都希望有更多空間合作啦。」
文：影視組