港姐爭獎素顏獻醜
今屆香港小姐競選大玩殘忍真人騷，初段以連環淘汰賽淘汰大半佳麗，其後安排佳麗投票互叮，當中陳華鑫及鍾麗成功復活後再被篩走，令陳華鑫慘成「三叮」佳麗瘀到爆！不過TVB將繼續玩噱頭，勒令佳麗以素顏示人，看來她們要急急護膚，否則嚇親街坊，令港姐「顏面」不保。
只餘10多日護膚
據知，港姐將於月中奧運完結後舉行活動，要求佳麗素顏上陣爭獎，但TVB仍會做好心，邀得著名化妝師Zing為佳麗輕輕「執漏」，以防出現「太離譜」的情況，當日除了有大會評審外，現場傳媒亦有份即場投票。其實早前不少佳麗的素顏樣已令人「睇到眼凸」，朱千雪及岑杏賢眼袋超誇張，陳潔玲皮膚麻麻滿臉瘡，湯洛雯黑眼圈礙眼，看來一眾佳麗要把握最後約十日時間，盡努力做齊護膚美顏等工夫。
大會統籌經理余詠珊則對一眾港姐信心十足，不怕此安排會嚇親觀眾：「我哋唔係想佳麗展示醜嘅一面！我哋有檢查過佢哋，都OK呀！」她表示已呼籲保母讓佳麗爭取時間休息，並提醒她們不要終日化妝，好讓皮膚放鬆及休息，以最佳狀態示人。
另外，多位佳麗繼續在官方網誌中上載大頭濃妝相，包括張名雅、黃心穎及岑杏賢，至於陳潔玲則表示泰國之旅因沒有淘汰而心情興奮狂食，完全忘記收身。
文：影視組